WILLEMSTAD – Resientemente, e konosido yu di Kòrsou, Ashna Coster  ku ta biba na Ulanda, a lansa su propio liña di Make –Up ku ta hiba di nòmber: BUNITA.

Ashna Coster ta un pro makeup artist ku a studia na Bèlgika, pa ser eksakto na e skol Make-up Designory na Antwerpen, kaminda ela haña su  diplomanan i tambe a ser sertifiká komo un makeup artist.

Ashna Coster tin mas ku 10 aña trahando den e Beauty industry, komo artist di Bobbi Brown i tambe den e área di Marketing i Branding pa vários kompania na Kòrsou.

E marka di Make-Up : Bunita a ser lansá dia 23 ougùstùs 2018 ku 6 lipstik. Awe ya nan ta na un kantidat di 29 lip products di kual 6 ta lipgloss i 23 liquid lipstik matte.

Bou di  e make up Bunita, e kliente por haña no solamente brushes di make –up, pero tambe otro produkto manera T-shirt i hopi mas. Poko pero sigur e marka aki lo krese ku hopi kos mas. E intenshon ta pa Bunita krese bira e promé international cosmetic and merchandise brand di Kòrsou pa Mundu.

Dia 23 mart último, Ashna Coster, mediante di  Bunita, a introdusí e promé dos eyeshadow palettes di e brand Bunita na DA drogist.  Un di e palette nan yama “I Desrve” i e otro “Amor Propio”.

Práktikamente tur produkto di e marka tin nòmber nan na Papiamentu, kual ta hasi e marka diferente. E intenshon di e dos palette nan aki ta pa kòrda tur Bunita su klientenan pa kòrda traha riba nan beyesa interno promé. Ya esaki ta reflehá aun mas riba nan Beyesa eksterno.

Esaki ta kuadra ku e ideologia di e palabra Bunita, kual ta e nòmber di e marka.

Bunita ta optenibel na DA saliña. Follow nos riba facebook i Instagram @bunita.ac