WILLEMSTAD- Ku orguyo Dushi Magazine ta presenta señorita Xafira Urselita,ku ta bai representá Kòrsou na e prestigioso sertámen di Miss World. E beyesa di 17 aña ta wòrdu prepará bou di guia di e team di Dushi Magazine pa asina e ta kompletamente prepara pa e kompetensia di Miss World, ku ta tuma lugá e aña aki na Indonesia dia 28 di September. Xafira ta wordu entrená pa profeshonalnan riba diferente area di desaroyo personal entre otro les di teater, pasarela, guia personal i public speaking. Tambe e ta traha riba su kondishon físiko, les di makiahe, training mental i training di sobrevivensia. Klaro ku e partinan manera historia di Kòrsou i baile Karibense no por keda afó. Xafira su aventura na Indonesia lo kuminsá riba 3 di September mientras e sertámen mes lo tuma lugá riba 28 di September.

Obra di karidat

Komo un deportista Xafira a skohe netamente pa pone su mes disponibel pa yuda muchanan ku menos rekurso den e area aki. E ta un embahadora di e ‘Sportinternaat Willem Alexander’ di Stichting Tegen Kindermishandeling. E kandidata ta praktika futbol i ta kere ku deporte ta yuda forma hende i evita ku nan ta bai den mal direkshon.Trabou boluntario ta para central den e sertámen di beyesa mundial aki. Por mira esaki bek den e sertamen. Kaminda e organisashon ‘Beauty with a Purpose’ ta afiliá ku Miss World. Durante di e sertamen e kandidata ku tin e instituto ku ta hasi trabou di karidat mas relevante lo wordu skohé I e instituto ku e miss ta representa lo haña un donashon komo premio.

Biografia

Xafira Urselita ta un alumno di OMEGA College, i e aña aki e ta bai pasa su eksamen. Aña pasá Xafira a wordu koroná komo Miss Dushi Personality, un sertámen organisá pa Dushi Magazine, k uta ilustrá ku no solamente bunitesa físiko ta importante; personalidat di e kandidatanan ta para sentral.

Facebook

Pas mas informashon tokante e beyesa ku ta bai representá Kòrsou por subi riba su página di Facebook: Xafira Urselita. Like E página pa asina keda na altura di tur e ‘updatenan’, Por ehempel  potretnan di diferente e Photoshoot ku e tin tur siman ku fotógrafonan profesional. I asina sigui Xafira riba e kaminda pa Miss World 2013. Si bo ta sinti bo yamá pa kontribui por tuma kontakto via su página diFacebookof via email missworld2013xafirausreslita@gmail.com