Dia 5 di sèptèmber di 16.00 pa 18.00 na Primas Restaurant a tuma lugá e rueda di prensa di Siman di Kultura 2014. E atardi aki a sirbi tambe komo antesala di e kompetensha kulinario ku lo bai tene bou di medionan di komunikashon pa Siman di Kultura 2014. Durante e rueda di prensa a bin dilanti tambe e vishon, lema, tema di Siman di Kultura. E lema ta Hasi grandi bo kultura, alsa bo nashon. E tema ta Patriotismo, amor den tur sentido di palabra.   Tambe a presentá e logo nobo di Siman di Kultura. Por lo demas a elaborá riba e siguiente aktividatnan ku Kas di Kultura lo bai organisá pa Siman di Kultura: Nos Chikitinnan no por keda afó. Durante Chikitin i su Kultura muchanan di sentro preskolar lo por eksperensha diferente aktividat na Kas di Kultura. Pa informashon tokante ‘Chikitin i su Kultura’ tuma kontakto ku Sue Ellen Cijntje (4347355/ 4612271) òf Tayrina Clements (4347355/ 4347300). Pa Skol di Fundeshi , grupo 5 te ku 8, tin e proyekto ‘Weg’i plenchi’. Krea un weg’i plenchi original i gana premio pa bo skol. Pa informashon por tuma kontakto ku Roosje Koko (4347302) òf Soremia Faneyt (4347312). Tambe tin posibilidat pa grupo 3 & 4, bishitá Museo Tula. Pa esaki por tuma kontakto ku Nidelly Willems (8886396) Pa Skolnan avansá tin e proyekto ‘Danzura’. Traha un koreografia riba jingle di Siman di Kultura. Pa mas informashon por tuma kontakto ku Ivan Felipa (4347319)   òf Michealene Pieter (8886396). Pa Empresa i Fundashonnan tin e proyekyo ‘Di logo pa Teduki’. Krioyisá bo logo i prent e riba tela. Pa informashon por tuma kontakto ku Gilian Vinck (4347309) òf Crisèn Schorea (4612271). Pa aktividat pa instanshanan intramural por tuma kontakto ku Ruthsella Girigori (4612271). Pa Prensa lo bai organisá un tremendo kompetensha kulinario: Prensa, ban purb’e dem hofi. Esaki at tuma lugá dia 4 di òktober. Pa informashon por tuma kontakto ku Sue Ellen Cijntje (4347355/ 4612271). Por lo demas, dia 3 di òktober lo tuma lugá “Jam k’e kultura”. Jamsession di músika kultural na Museo Tula for di 19.30. Pa mas informashon por yama Ingelor Keller (4347317). Dia 26 sèptèmber lo habri un eksposishon na Galeria Kas di kultura. E apertura riba dia 28 sèptèmber lo konsentrá den Punda. I e Klousura lo ta un bembé dia 5 di òktober, di 17.00 pa 22.00 na Mattheywerf. Finalmente, for di otro siman públiko por pasa kumpra t shirt di Siman di Kultura na balor di fl. 15,- Pa kualke informashon por bèl Kas di Kultura na 4347355, mail tambe na simandikultura2014@gmail.com of subi nos page di facebook: siman di kultura 2014. Ban huntu hasi grandi nos kultura, alsa nos nashon.