A kaba di bira konosí ku e 8 biaha ganadó di Grammy Award i 17 biaha ganadó di Billboard Award, Usher lo duna un konsierto djasabra 31 di ougùstùs durante Curaçao North Sea Jazz Festival! Ku Usher nos a kaba di kompletá e impreshonante programa di festival. Anteriormente nos a anunsiá Diana Ross, The Roots, Marc Anthony, Toto, Luis Miguel i hopi otro mas.
Usher a bende mundialmente 50 mion álbum, Billboard a yam’é e artista mas eksitoso di 2000 – 2010. Su álbum ku a bende miones Confessions (2004) ta notá komo e mihó solo-álbum di e dékada ei. Usher tabatin na Merka no ménos ku nuebe loke ta ser yamá Hot 100 Number One Hits i diesshete Hot 100 Top Ten Singles. (diez mihó sengelnan)
Usher a traha anteriormente ku artista manera Beyonce, Alicia Keys, Shakira, Jay-Z i hasta ku Enrique Iglesias. Usher ta tur kaminda, e ta presentá na Broadway pero tambe durante Super Bowl. El a realisá su mes ku éksito ta trese tambe responsabilidat kuné. Usher a demostrá di ta un forsa filantrópiko importante. Su New Look Foundation, fundá na 1999, ta yuda hóbennan pa bira lider. Komo rekonosimentu pa su prestashonnan, Usher a keda honrá dor di Boys & Girls Clubs of America, Trumpet Foundation, Do Something, NAACP, i komo e 2010 Ford Freedom Award Scholar.
Riba su di shete studio álbum, Looking 4 Myself, Usher a tuma pasonan di kurashi inesperá riba tereno musikal. Pa e álbum akí Usher a traha ku un eskala amplio di produktor i artista, entre nan Diplo, Swedish House Mafia, Max Martin, will.i.am i Empire of the Sun. E koperashonnan ei i su propio ròl aktivo komo outor di teksto di kansion a kondusí na un álbum ku e asina yamá:’ Electro Dance Beats, kombiná ku e sonido típiko di Usher- R&B, pop i hiphop.
CURAÇAO NORTH SEA JAZZ FESTIVAL 2013
Djabièrnè 30 di ougùstùs 2013:
Sam Cooke podium: Toto – Diana Ross – Marc Anthony
Celia podium: Gladys Knight – Sonny Rollins – Oumou Sangaré
Sir Duke podium: New Cool Collective – Raphael Saadiq –Erykah Badu
Etta James podium: Kris Berry – Mud Morganfield – Sabrina Starke
I presentashon di Hot 8 Brass Band
Djasabra 31 di ougùstùs 2013:
Sam Cooke podium: Luis Miguel – Usher
Celia podium: Paul Anka – Edmar Castaneda – Christian McBride Big Band
Sir Duke podium: Esperanza Spalding Radio Music Society – Los Lobos – The Roots
Etta James podium: Pernell Saturnino and Friends featuring Miguel Zenón– Sherry Dyanne – Kizzy McHugh
I presentashon di Hot 8 Brass Band
Durante siman:
Brionplein djadumingu 25 di ougùstùs – KONSIERTO GRÁTIS di: Israel & New Breed
Brionplein djaluna 26 di ougùstùs – KONSIERTO GRÁTIS di: El Gran Combo de Puerto Rico
Brakkeput Meimei djárason 28 di ougùstùs – Al Di Meola
Brakkeput Meimei djaweps 29 di ougùstùs: José James
Karchi pa festival ta na benta via 522-JAZZ, na e puntonan di benta konosí i via www.ticketmaster.com.
Curaçao North Sea Jazz Festival ta patrosiná pa: Fundashon Bon Intenshon