Willemstad – Entrante djaluna 13 di novèmber klientenan di MCB ku lògin den Personal Online Banking lo eksperensiá un kambio den e servisio aki. Maduro & Curiel’s Bank a kambia pa un plataforma nobo ku ta hasi MCB Personal Online Banking más atraktivo pa bista pero tambe ta mas lihé i fásil den su uso. Tur fasilidat i benefisionan manera abo ta kustumbrá kuné, ta keda grátis.

E kambio ta aplikabel tambe pa e servisio di MCB Mobile App. Na momento ku bo lògin outomátikamente e ta pidi pa bo update e app. Unabes esaki keda hasí di manera satisfaktorio e vershon nobo di MCB Mobile App ta ofresé e usuario muchu mas funshonalidat pa tur telefon i tèblet.

Awendia mirando ku tempu ta oro transakshonnan online ta asina komún ku tin un kresementu grandi den e kantidat di kliente ku ta hasi uso di e opshon online pa hasi pago i transferensianan. Unda ku e kliente ta, sea for di komodidat di su kas, tras di un kòmpiuter, lèptop òf tèblet komo tambe ku su telefon selular.

Pa fasilitá su klientenan manera kustumbrá, MCB ta ofresé su klientenan, asistensia adishonal di siguiente forma:

• den su brènchnan na Brievengat, Rooi Catootje (LCBC), Montaña, Mangusá Hypermarket, Punda, Rio Canario, Saliña i Sta. Maria.
• Seshon di informashon pa kliente, ku registrashon online.
• Orario ekstendé di su Contact Center (466 1111) di 8’or di mainta te 8’or di anochi di 13 pa 17 di novèmber.
• Diferente video di instrukshon riba nos wèpsait: mcb-bank.com/personal-banking.

Pa mas informashon klientenan por tuma kontakto libremente ku nos na 466 1111. Maduro & Curiel’s Bank siguiendo e desaroyonan mundial den teknologia, ta sigui inová su servisio i produktonan. Eksperensiá MCB Personal Online Banking i MCB Mobile App nobo pasó bo tempu ta oro. MCB  Personal Online Banking: mas inovativo, mas personal i awor ku mas benefisio.