Direktiva di Fundashon Karnaval Banda Bou ta den ful preparashon pa Karnaval di Banda Bou 2015. Karnaval ta nos máksimo ekspreshon di alegria. Temporada di karnaval ta duna bida mas koló atraves di músika i kreatividat. Amor, Positivismo i Union ta e temanan sentral di Karnaval di Banda Bou 2015. E programa di karnaval di Banda Bou pa 2015 ta lo siguiente: Apertura di temporada di karnaval di Banda Bou 2015 dia 4 di yanüari 2015, Elekshon di Reina Prens i Pancho grandi, Elekshon di Reina Prens i Pancho hubenil  i marcha di Karnaval di Banda Bou dia 14 di febrüari 2015. Inskripshon pa e elekshonnan ya a habri. Partisipantenan pa e elekshon hubenil mester ta entre 6 pa 11 aña di edat i partisipantenan pa e elekshon grandi mester tin mínimo 16 aña di edat. Último dia pa inskribí pa partisipá den e elekshonnan ta dia 12 di òktober 2014. Preparashon di e kandidatanan ta kuminsá dia 19 di òktober i lo kulminá ku e sertámennan den yanüari 2015.  Pa inskribí pa e elekshonnan di Reina Prens i Pancho di Karnaval di Banda Bou manda un e-mail na elekshonkbb@gmail.com i nos lo ‘reply’ bek ku tur informashon i un formulario di inskripshon òf yama Marie-Louise na number di telefon 525-0312 òf Liesette na number di telefon 511-8916.