WILLEMSTAD – É kompania pa material di konstrukshon, Kooyman, ya pa hopi aña ta un partner prominente di Fun Miles, é programa pa spar i troka number un di Karibe. Awor Kooyman Café tambe a partner di Fun Miles. Pues awor miembronan di Fun Miles por spar i troka na Kooyman Café. Durante luna di ougùstùs bo ta risibí dòbel Fun Miles na kompra di 20 Florin òf mas. For di pan ku belèg, salada, te ku un kuminda krioyo kompletu, Kooyman Café ta e sitio perfekto pa bo troka i spar bo Fun Miles pa un almuerso rápido i sabroso, sea pa kome einan mes, òf pa bai kuné.

TOKANTE  KOOYMAN CAFÉ

Kooyman Café ta situá den Kooyman Megastore na Zeelandia. E ‘Café’ ta amplio i sumamente bon surtí. E ta un atrakshon pa grandi i chikí pa su preisnan atraktivo, su special di tur dia i e uso grátis di Wi-Fi. Danki na e atraktivo kampaña di introdukshon (dòbel Fun Miles) awor bo por disfrutá ku mas sabor di bo Fun Miles. Kooyman Café ta habrí di djaluna te djasabra di 7’or di mainta te 6’or di atardi, i riba djadumingu di 9’or di mainta te 1’or di mèrdia.